அரச மற்றும் தனியார் துறை ஊழியர்களுக்கு வாராந்தம் சம்பளம் வழங்கினால் நிதி நெருக்கடிக்கு தீர்வு காண முடியும்.
அரச மற்றும் தனியார் துறை ஊழியர்களுக்கு சம்பளம் வழங்குவதில் ஏற்பட்டுள்ள நெருக்கடிக்கு தீர்வு காண வாராந்த அடிப்படையில் சம்பளம் வழங்கப்பட வேண்டும் என பிவித்துரு ஹெல உறுமய கட்சியின் தலைவர் பாராளுமன்ற உறுப்பினர் உதய கம்மன்பில தெரிவித்துள்ளார்.
அரச ஊழியர்களுக்கு இம்மாதம் சம்பளம் வழங்குவதில் தாமதம் ஏற்படும் என அரசாங்கம் அறிவித்துள்ள நிலையில், சில தனியார் நிறுவனங்களும் இதே பிரச்சினையை எதிர்நோக்கி வருவதாக ஊடகங்களுக்கு கருத்து தெரிவித்த பாராளுமன்ற உறுப்பினர் கம்மன்பில சுட்டிக்காட்டினார்.
ஊழியர்களுக்கு மாதாந்த சம்பளம் கிடைக்கும் போது மாதத்தின் மூன்றாவது வாரத்தில் பணம் இல்லாமல் போவதாகவும், அடுத்த சம்பளம் கிடைக்கும் வரை கடனைப் பெறும் நிலைக்குத் தள்ளப்படுவதாகவும் அவர் மேலும் சுட்டிக்காட்டினார்.
வாரச் சம்பளம் கொடுப்பது ஊழியர்களுக்கு வாரச் செலவுகளுக்கு உதவும் என்று கூறிய அவர், மாதாந்திர சம்பளம் வழங்கும் முறையால் ஊழியர்களோ அல்லது நிறுவனங்களோ சிரமங்களை எதிர்கொள்ளத் தேவையில்லை என்றார்.
பல வெளிநாட்டு நாடுகளும் தற்போது வாராந்திர அல்லது இரண்டு வாரங்களுக்கு ஒரு முறை சம்பள முறையை பின்பற்றுகின்றனவே தவிர மாதாந்த கொடுப்பனவுகளை அல்ல என பாராளுமன்ற உறுப்பினர் கம்மன்பில மேலும் தெரிவித்தார்.
அரச மற்றும் தனியார் துறை ஊழியர்களுக்கு வாராந்தம் சம்பளம் வழங்கினால் நிதி நெருக்கடிக்கு தீர்வு காண முடியும்.
Reviewed by Madawala News
on
January 26, 2023
Rating: