இலங்கையின் சனத்தொகை குறைந்தபட்சம் ஒரு மில்லியன் குறையும் ; ஜனாதிபதி



இலங்கையின் விவசாய ஏற்றுமதிகளை நவீனமயப்படுத்த வேண்டியதன் அவசியத்தை வலியுறுத்திய ஜனாதிபதி ரணில் விக்கிரமசிங்க, அடுத்த தசாப்தங்களில் நாட்டின் சனத்தொகை குறைந்தது ஒரு மில்லியன் குறையும் என எதிர்பார்ப்பதாக தெரிவித்தார்.

“இலங்கையின் சனத்தொகை 2048 ஆம் ஆண்டளவில் 1 மில்லியனால் குறையும். ஒப்பீட்டளவில், நம்மைச் சுற்றியுள்ள நாடுகளின் சனத்தொகை குறைந்தது 1 பில்லியனால் அதிகரிக்கும், குறிப்பாக, ஆப்பிரிக்காவிலிருந்து இந்தோனேசியா வரை. இதுவே எமது விவசாய சந்தையாக இருக்கும், அதற்கு நாம் தயாராக வேண்டும்” என்று ஜனாதிபதி கூறினார்.

அதுருகிரிய தேசிய தோட்ட முகாமைத்துவ நிறுவகத்தின் புதிய கல்வி மற்றும் நிர்வாக வளாகத்தை திறந்து வைத்து உரையாற்றும் போதே ஜனாதிபதி விக்ரமசிங்க மேற்கண்டவாறு தெரிவித்தார்.

பெருந்தோட்டத் தொழிற்துறையின் நவீனமயமாக்கலுக்குத் தேவையான சமகாலத் திறன்களைக் கொண்ட பட்டதாரிகளை ஆயத்தப்படுத்துவதில் இந்த நிறுவனத்தின் முக்கிய பங்கை ஜனாதிபதி அவர்கள் எடுத்துரைத்தார்.

"எங்கள் கிராமங்களில் இருந்து வறுமையை ஒழிப்பது விவசாய வளர்ச்சியில் தங்கியுள்ளது, அதனால்தான் 500,000 ஏக்கர் புதிய நிலத்தை பயிரிடும் அதே வேளையில் இருக்கும் பயிர்கள் மற்றும் நிலத்தைப் பயன்படுத்துவதற்கான திட்டங்கள் வகுக்கப்பட்டுள்ளன" என்று நவீன விவசாய நடைமுறைகளை கடைப்பிடிக்க வேண்டியதன் அவசியத்தையும் மேம்படுத்துவதையும் ஜனாதிபதி எடுத்துக் கூறினார்.
இலங்கையின் சனத்தொகை குறைந்தபட்சம் ஒரு மில்லியன் குறையும் ; ஜனாதிபதி இலங்கையின் சனத்தொகை குறைந்தபட்சம் ஒரு மில்லியன் குறையும் ; ஜனாதிபதி Reviewed by Madawala News on May 15, 2024 Rating: 5
'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
Powered by Blogger.