நாடு முழுதும் தொடர்ச்சியாக மழை - சில பாகங்களில் 100 mm வரையிலான பலத்த மழை பெய்யவும் வாய்ப்பு



கிழக்கு, ஊவா மற்றும் தென் மாகாணங்களிலும் அத்துடன் யாழ்ப்பாணம், முல்லைத்தீவு, மாத்தளை மற்றும் பொலநறுவை மாவட்டங்களிலும்  அடிக்கடி மழை பெய்யக்கூடும். 


வவுனியா, கிளிநொச்சி, மன்னார் மற்றும் அனுராதபுரம்  மாவட்டங்களில்  இடைக்கிடையே மழை பெய்யக்கூடும். 


நாட்டின் ஏனைய பிரதேசங்களின் பல இடங்களில்  பிற்பகல் ஒரு மணிக்குப் பின்னர் மழை அல்லது இடியுடன் கூடிய மழை பெய்யக்கூடிய வாய்ப்புக்  காணப்படுகின்றது. 


மத்திய,  சப்ரகமுவ,மேல், தென், கிழக்கு  மற்றும் ஊவா  மாகாணங்களின்  சில இடங்களில் 100 mm வரையிலான  பலத்த மழை பெய்யலாம் என எதிர்பார்க்கப்படுகிறது. 


மத்திய, சப்ரகமுவ மற்றும்  மேல் மாகாணங்களின் சில இடங்களில்  காலை வேளையில் பனிமூட்டம் காணப்படும். 


பலத்த காற்றும் மின்னல் தாக்கங்களும் ஏற்படக்கூடிய சந்தர்ப்பங்களில் பொதுமக்கள் அவதானத்துடன் செயற்படுமாறு கேட்டுக்கொள்ளப்படுகின்றனர். 


கடல் பிராந்தியங்களில் 

****************************


நாட்டை சூழ உள்ள கடல் பிராந்தியங்களின் பல இடங்களில் மழை அல்லது இடியுடன் கூடிய மழை பெய்யக்கூடும். 


கடல் பிராந்தியங்களில் மணித்தியாலத்திற்கு 25 - 35 km வேகத்தில் வடகிழக்குத்  திசையில்  இருந்து  காற்று வீசும். 


கொழும்பு  தொடக்கம் மன்னார் ஊடாக காங்கேசன்துறை வரையான அத்துடன் ஹமபாந்தோட்டை தொடக்கம் பொத்துவில் ஊடாக மட்டக்களப்பு  வரையான  கரையோரத்திற்கு அப்பால் உள்ள கடல் பிராந்தியங்களில் மணித்தியாலத்திற்கு 40 - 50 km இலும் கூடிய வேகத்தில் அடிக்கடி காற்று அதிகரித்து வீசக்கூடும். இவ்வாறான சந்தர்ப்பங்களில் இக் கடல் பிராந்தியங்கள் ஓரளவு கொந்தளிப்பாகக் காணப்படும். 


ஆனால் இடியுடன் கூடிய மழை பெய்கின்ற சந்தர்ப்பங்களில் பலத்த காற்று வீசுவதுடன் அவ்வேளைகளில் கடல் பிராந்தியங்கள் தற்காலிகமாக மிகவும் கொந்தளிப்பான நிலையில் காணப்படும். 


மொஹமட் சாலிஹீன்,  

சிரேஸ்ட  வானிலை அதிகாரி.

நாடு முழுதும் தொடர்ச்சியாக மழை - சில பாகங்களில் 100 mm வரையிலான பலத்த மழை பெய்யவும் வாய்ப்பு நாடு முழுதும் தொடர்ச்சியாக மழை - சில பாகங்களில் 100 mm வரையிலான  பலத்த மழை பெய்யவும் வாய்ப்பு Reviewed by Madawala News on December 15, 2023 Rating: 5
'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
Powered by Blogger.