உலகக் கோப்பையில் இந்திய அணியின் தோல்வியை தாங்க முடியாத ரசிகர் ஒருவர் தன் உயிரை மாய்த்துக் கொண்ட சம்பவம் பதிவானது.

நேற்று குஜராத் அகமதாபாத்தில் உள்ள நரேந்திர மோடி ஸ்டேடியத்தில் நடந்த 2023 உலகக் கோப்பை இறுதிப் போட்டியில் ஆஸ்திரேலியாவுக்கு எதிரான இந்திய கிரிக்கெட் அணியின் மோசமான தோல்வியைத் தாங்க முடியாமல் மேற்கு வங்கத்தைச் சேர்ந்த 23 வயது இந்தியர் ஒருவர் தற்கொலை செய்து கொண்டார்.

இந்தச் சம்பவம் ஞாயிற்றுக்கிழமை (நவம்பர் 19) இரவு 11 மணியளவில் பெலியத்தோர் காவல் நிலையப் பகுதியில் உள்ள சினிமா அரங்கிற்கு அருகே, மேச் முடிவு வெளிவந்த சிறிது நேரத்திலேயே நடந்ததாக போலீஸார் தெரிவித்தனர்.

உயிரிழந்த ராகுல் சந்திரன், அப்பகுதியில் உள்ள துணிக்கடையில் வேலை பார்த்து வந்தார்.

ஞாயிற்றுக்கிழமை, இறுதிப் போட்டியைக் காண லீவு எடுக்க முடிவு செய்தார். இருப்பினும், இந்தியாவின் தோல்விக்குப் பிறகு அவரால் உணர்ச்சிகளைக் கடக்க முடியவில்லை,

மேலும் அவரது அறையிலேயே தனது வாழ்க்கையை முடிக்க முடிவு செய்தார் என்று அவரது மைத்துனர் உத்தம் சுர் கூறியதாக PTI செய்தி நிறுவனம் தெரிவித்துள்ளது. எனினும் அவர் தூக்குப்போட்டு இறந்தாரா அல்லது விஷம் அருந்தி இறந்தாரா என்பது தெரியவில்லை.

"இல்லையெனில், அவரது வாழ்க்கையில் இதுபோன்ற பிரச்சனைகள் எதுவும் இல்லை," என்று சுர் மேலும் கூறினார்.

இயற்கைக்கு மாறான மரணத்தின் கீழ் வழக்குப் பதிவு செய்துள்ளதாகத் தெரிவித்த போலீஸார், சம்பவம் நடந்தபோது வீட்டில் யாரும் இல்லை என்றும் தெரிவித்தனர்.