எந்த மதத் தலைவரையும் அரசு அவமதிக்காது.

🌑எந்த மதத் தலைவரையும் அரசு அவமதிக்காது...

🌑நல்லொழுக்கமுள்ள துறவிகளை மதிக்கின்றோம். காவியுடை தரித்து இரவில் கும்மாளம் அடித்து விருந்து வைக்கும் துறவிகளை அவர்கள் மதிப்பதில்லை...

🌑அரசாங்கம் மகா சங்கத்தினரை அவமதிப்பதாக ஒரு சித்தாந்தத்தை எதிர்க்கட்சிகள் பரப்பி வருகின்றன.

 - அமைச்சர் பிரசன்ன ரணதுங்க

அரசு எந்தவொரு மதத் தலைவரையும்  அவமதிக்காது என ஆளும் கட்சியின் பிரதான அமைப்பாளர் அமைச்சர் பிரசன்ன ரணதுங்க இன்று (28) பாராளுமன்றத்தில் தெரிவித்தார்.

ஆனால் அரசாங்கம் மகா சங்கத்தினரை அவமதிப்பதாக ஒரு சித்தாந்தத்தை உருவாக்க எதிர்க்கட்சிகள் முயற்சிப்பதாகவும் அவர் குறிப்பிட்டார்.

நல்லொழுக்கமுள்ள துறவிகளை மக்கள் மதிப்பதாகவும், காவியுடை அணிந்து விருந்து வைக்கும் பிக்குகளை மதிப்பதில்லை எனவும் அமைச்சர் மேலும் தெரிவித்தார்.

எதிர்க்கட்சித் தலைவர் சஜித் பிரேமதாச பாராளுமன்றத்தில் விடுத்த கருத்துக்கு பதிலளிக்கும் போதே அமைச்சர் பிரசன்ன ரணதுங்க இதனைத் தெரிவித்தார்

எதிர்க்கட்சித் தலைவர் சஜித் பிரேமதாசவுக்கும் அமைச்சர் பிரசன்ன ரணதுங்கவுக்கும் இடையில் இன்று (28) இடம்பெற்ற உரையாடல் பின்வருமாறு.

சஜித் பிரேமதாச, எதிர்க்கட்சித் தலைவர் - சங்கச் சமூகம் பல்லாயிரம் வருட பாரம்பரியத்தின் படி உருவாக்கப்பட்டது. அக்காலத்தில் நாட்டை ஆட்சி செய்த  அரசர்களுக்கு தர்மத்தையும் அறிவுரையும் வழங்கியவர் சங்கரத்தினரே. பாம்புடன், நெருப்புடன், நீதியுள்ள இளவரசனுடன், நல்லொழுக்கமுள்ள துறவியிடம் நன்றாக நடந்து கொள்ள வேண்டும் என்று தம்ம வசனம் கூறுகிறது. இப்போது ஆட்சியாளர்கள் மகா சங்கத்தினருக்கு உபதேசம் செய்கிறார்கள். அந்த எச்சரிக்கைகளுக்கு மகா சங்கத்தினர் செவிசாய்க்க வேண்டியதாயிற்று புத்தர் துறவிகளுக்கு ஒழுக்கக் கொள்கைக்குள் தர்மத்தின்படி நடந்து கொள்ள வேண்டும் என்று உபதேசித்தார்.. தாங்கள் சொல்வதை மகா சங்கத்தினர் கேட்க வேண்டும் என்று சில ஆட்சியாளர்கள் நினைக்கிறார்கள். எனவே, மகா சங்கத்தினரை அவமதிப்பவர்களும், பராபவ சூத்திரம் அல்லது வாசலசூத்திரம் படிக்கச் சொல்ல விரும்புகிறேன். எனவே, மகா சங்கரத்தினத்தை 'காவியுடை அணிந்த பட்டோ' என்று அழைப்பது பொருத்தமற்றது.

ஆளும் கட்சியின் பிரதம அமைப்பாளர், அமைச்சர் பிரசன்ன ரணதுங்க (ஸ்ரீல பொ.பெ) - கௌரவ சபாநாயகர் அவர்களே, எதிர்க்கட்சித் தலைவர் மகா சங்கரத்தினர் தொடர்பில் குறிப்பிட்டுள்ள விடயம் தொடர்பில் நான் பேச விரும்புகின்றேன். நாங்கள் எந்த மதத் தலைவரையும் அவமதிக்க விரும்பவில்லை. காவியுடை தரித்து பகலில் போராடுபவர்களும், இரவில் பார்ட்டிகளில்  கலந்து கொண்டு எப்படி இருப்பார்கள் என்பதை ஃபேஸ்புக்கில் பார்க்கிறோம். அதைப் பார்க்கும்போது மக்கள் மகா சங்கத்தினர் மீது மரியாதை இழந்துவிடுகிறார்கள். ஆனால் காவியுடை தரிக்கும்; துறவிகளை யாரும் அவமதிப்பதில்லை. திரு.பிரேமதாச 88/89 காலப்பகுதியில் காவியில் சுற்றி டயர்களினால் எரித்த கதையை சொல்ல யாராவது இருந்தால் அது பெரிய விஷயம்.

எதிர்க்கட்சித் தலைவர் சஜித் பிரேமதாச - கௌரவ சபாநாயகர் அவர்களே, இந்த உரையினால் மகா சங்கத்தினர் பெரிதும் மனக்கலக்கத்திற்கு உள்ளாகியிருக்கலாம். . அதைச் சொல்ல ஒரு வழி இருக்கிறது. அசுத்தங்களை உருவாக்கும் ஆயிரம் வார்த்தைகளை விட அசுத்தங்களை நீக்கும் ஒரு சொல் முக்கியமானது என்று தம்மபதம் கூறுகிறது. மகா சங்கரத்தினரையும் காவியுடையையும் மதிக்க வேண்டும். மகா சங்கரத்தினத்தை விமர்சித்து விவாதம் செய்யப் போவது நல்லதல்ல.

ஆளும் கட்சியின் பிரதம அமைப்பாளர், அமைச்சர் பிரசன்ன ரணதுங்க (ஸ்ரீ.பொ.பெ) - எதிர்க்கட்சித் தலைவரே, நாங்கள் மகா சங்கத்தினரை அவமதிக்கவில்லை, மாறாக நீங்கள் ஒரு மத சித்தாந்தத்தை உருவாக்க முயற்சிக்கிறீர்கள். மத தலைவர்கள் செய்யும் சில விஷயங்களைப் பற்றி பெரிய தலைவர்கள் பேசுகிறார்கள். ஒரு மத தலைவர் என் வீட்டிற்கு தீ வைக்க தலையிட்டார். ஆனால் ஒரு மத தலைவர் அப்படி செய்தபடியால் எல்லோரும் அப்படி இல்லை என்றேன். நாங்கள் மகா சங்கத்தினரை மதிக்கிறோம். 88/ 89 ஏன் அவ்வாறு செய்யப்பட்டது. என்பதை நாம் சிந்திக்க வேண்டும்.

2022.11.28

பிரதீப் அனுர குமார 

( அமைச்சரின் ஊடக செயலாளர்)