தாய்லாந்து ஹோட்டலில் பாதுகாப்பு காரணங்களுக்காக ஹோட்டலின் உள்ளேயே இருக்குமாறு கோட்டாபயவுக்கு அறிவுறுத்தல்.

தாய்லாந்து பாங்காக் ஹோட்டலில் பாதுகாப்பு காரணங்களுக்காக ஹோட்டலின் உள்ளேயே இருக்குமாறு கோட்டாபயவுக்கு அறிவுறுத்தல்

இலங்கை முன்னாள் ஜனாதிபதி கோட்டாபய ராஜபக்ச தாய்லாந்தின் தலைநகரின் மையப்பகுதியில் பாங்காக்கில் உள்ள ஹோட்டலில் தங்கியுள்ளார்,

அங்கு பாதுகாப்பு காரணங்களுக்காக ஹோட்டலின் உள்ளேயே இருக்குமாறு இலங்கை ஜனாதிபதியை பொலிசார் அறிவுறுத்தியுள்ளதாக வெள்ளிக்கிழமை ஊடக அறிக்கை தெரிவித்துள்ளது.

நேற்று நேரப்படி இரவு 8 மணியளவில் டான் முவாங் சர்வதேச விமான நிலையத்தை ஒட்டிய இராணுவ விமான நிலையத்தின் 6வது பிரிவில் சிங்கப்பூரிலிருந்து பட்டய விமானத்தில் கோட்டபாய ராஜபக்ச மேலும் மூன்று பேருடன் தாய்லாந்து சென்றடைந்தார்.

அவர் தங்கியுள்ள ஹோட்டலின் இருப்பிடம் வெளியிடப்படாத நிலையில், ராஜபக்சேவின் பாதுகாப்பை உறுதி செய்வதற்காக சிறப்புப் பிரிவுப் பணியகத்தைச் சேர்ந்த சிவில் உடையில் போலீஸ் அதிகாரிகள் நிறுத்தப்பட்டுள்ளனர்.