dd
s

நேற்று கிராண்ட்பாஸில் 'ஆனமாலு ரங்க' மற்றும் முகம்மத் இம்ரான் வெட்டிக்கொலை செய்யபட்ட சம்பவ அப்டேட்.. 3 பேர் கைது.


கிரேன்பாஸ், மாதம்பிட்டி மயானத்திற்கு அருகில் கூரிய ஆயுதத்தால் தாக்கி இருவர் கொலை செய்யப்பட்ட சம்பவம்
தொடர்பில் 2 வாள்களுடன் 3 சந்தேகநபர்கள் மட்டக்குளி பிரதேசத்தில் வைத்து கைது செய்யப்பட்டுள்ளனர்.

பொலிஸ் விசேட அதிரடிப் படையினரால் இவர்கள் கைது செய்யப்பட்டுள்ளனர்.

கிரேன்பாஸ், மாதம்பிட்டி மாயனத்திற்கு அருகில் நேற்று (15) பிற்பகல் 4.15 மணி அளவில் இந்த இரட்டைக் கொலை சம்பவம் இடம்பெற்றுள்ளது.

முச்சக்கரவண்டியில் வந்த நான்கு பேர், மயானத்தில் இடம்பெற்ற இறுதிக் கிரியையில் கலந்து கொண்டிருந்த இருவரை மன்னா கத்தியால் தாக்கி கொலை செய்திருந்தனர்.

தாக்குதலில் பின்னர் குறித்த சந்தேகநபர்கள் முச்சக்கரவண்டியில் தப்பிச் சென்றுள்ளனர்.

தாக்குதலில் உயிரிழந்த நபர்களில், பல்வேறு குற்றச்செயல்களுடன் தொடர்புடைய ´ஆனமாலு ரங்க´ என்ற நபரும் முகம்மத் இம்ரான் என்ற நபரும்  அடங்குவதாக இனங்காணப்பட்டுள்ளது.

இரு குழுக்களுக்கு இடையே ஏற்பட்ட மோதலில் முடிவாக இந்த கொலைச் சம்பவம் இடம்பெற்றிருக்க கூடும் என பொலிஸார் சந்தேகிக்கின்றனர்.

எவ்வாறாயினும், மயானத்தில் விட்டுச் செல்லப்பட்ட முச்சக்கரவண்டி ´குடு ரொஷானின்´ மனைவிக்கு சொந்தமானது என உறுதியாகியுள்ளதாக பொலிஸ் ஊடக பேச்சாளரும், பொலிஸ் அத்தியட்சகருமான ருவான் குணசேகர எமது செய்திப் பிரிவுக்கு தெரிவித்தார்.

முச்சக்கரவண்டி பதிவு செய்யப்பட்டிருந்த முகவரிக்கு அமைய, விசாரணைக்காக குறித்த வீட்டிற்கு சென்ற போது அங்கிருந்த 3 பேர் கைது செய்யப்பட்டதாகவும் அவர்கள் ,
1 - கெமுனுபுற , மட்டக்குளி பிரதேசத்தை சேர்ந்த 19 வயது முகம்மத் ரமலான்
2 - சமன்புற , மட்டக்குளி  பிரதேசத்தை சேர்ந்த 18 வயது சுதேஷ் அசங்க
3 - வறாகொட வீதி - களனி பிரதேசத்தை சேர்ந்த 34 வயது கொலின் த சில்வா என   பொலிஸ் ஊடக பேச்சாளர் மேலும் தெரிவித்தார்.
நேற்று கிராண்ட்பாஸில் 'ஆனமாலு ரங்க' மற்றும் முகம்மத் இம்ரான் வெட்டிக்கொலை செய்யபட்ட சம்பவ அப்டேட்.. 3 பேர் கைது. நேற்று கிராண்ட்பாஸில்  'ஆனமாலு ரங்க' மற்றும் முகம்மத் இம்ரான்  வெட்டிக்கொலை செய்யபட்ட சம்பவ அப்டேட்..  3 பேர் கைது. Reviewed by Madawala News on August 16, 2019 Rating: 5