முஸ்லிம் சமூ­கத்தின் நல­னுக்­காக குரல் கொடுக்கும் அனை­வரும் சஹ்­ரான்­வா­தி­க­ளாக குறி­வைக்­கப்­படும் அபாயம் !!

முஸ்லிம் சமூ­கத்தின் நல­னுக்­காக குரல் கொடுக்கும் அனை­வரும் சஹ்­ரான்­வா­தி­க­ளாக குறி­வைக்­கப்­பட்டு,
அவர்­களை அடை­யா­ளப்­ப­டுத்­து­கின்ற ஒரு அபா­ய­க­ர­மான சூழ்­நி­லையை முஸ்லிம் சமூகம் இன்று எதிர் நோக்­கி­யுள்­ளது என சிரேஷ்ட சட்­டத்­த­ரணி எம்.எம்.பஹீஜ் தெரி­வித்தார்.

‘எதிர்­காலம்’ எனும் தலைப்­பி­லான கலந்­து­ரை­யாடல் ஒன்று அக்­க­ரைப்­பற்றில் இடம்­பெற்­றது. இந்­நி­கழ்வில் கலந்து கொண்டு உரை­யாற்­று­கை­யி­லேயே அவர் இவ்­வாறு கூறினார்.

அவர் மேலும் தெரி­விக்­கையில், இன்று முஸ்லிம் சமூ­கத்­தி­னு­டைய  மத கலா­சார விட­யங்கள், பொரு­ளா­தாரம், கல்வி, பாது­காப்பு, காணி உரி­மைகள், நிர்­வாக அதி­கார எல்­லைகள் தொடர்பில் பேசு­கின்ற அனை­வரும் குறி­வைக்­கப்­பட்டு எல்லா வகை­யிலும் முஸ்­லிம்கள் எதி­ரி­யாக சித்­தி­ரிக்­கப்­ப­டு­கின்ற ஒரு அபா­ய­க­ர­மான சூழ்­நி­லையை முஸ்லிம் சமூகம் தற்­போது இலங்கையில் எதிர்­கொண்­டுள்­ளது.

தமிழ் சமூ­கத்தின் உரிமைப் போராட்­டத்­திற்­காக தமிழ் இயக்­கங்கள் ஆயு­த­மேந்தி போரா­டிய போது, தமிழ் சமூகம் பொது எதி­ரி­க­ளாகப் பார்க்­கப்­பட்டு பல்­வே­று­பட்ட சொல்­லொணா துய­ரங்­களை அனு­ப­வித்து வந்­தது. இன்று அந்த நிலை மாறி முஸ்லிம் சமூ­கத்தை குறி­வைத்து பொது எதி­ரி­க­ளாகப் பார்க்­கப்­படும் அபாயம் தோற்­றம்­பெற்று வரு­கின்­றது.

இலங்­கை­யு­டைய எதிர்­காலம் இன்று கேள்­விக்­கு­றி­யாக உள்­ளது. சர்­வ­தேச சக்­திகள் மூலம் தீர்­மா­னிக்­கப்­ப­ட­வி­ருக்­கின்ற ஒரு சூழ்­நி­லையில், இலங்­கையில் வாழு­கின்ற முஸ்லிம் சமூகம் இன்று பொது எதி­ரி­யாக குறித்­துக்­காட்­டப்­ப­டு­கின்­றது. இவ்­வாறு முஸ்லிம் சமூ­கத்தை பொது எதி­ரி­யாக  அடை­யாளம் காட்டி அடக்கி ஒடுக்­கு­வ­தற்கு எத்­த­னிக்­கப்­ப­டு­கின்­றது.

எதிர்­வரும் காலம் தேர்தல் கால­மாக அமையப் போகின்­றது. இத்­தேர்­தல்­களில் முஸ்­லிம்­களின் அர­சியல் பலம் பரீட்­சிக்­கப்­ப­ட­வி­ருக்­கின்­றது. நாங்கள் சுயா­தீ­ன­மாக உரி­மைகள் சார்ந்து எங்­க­ளு­டைய முடி­வு­களை எடுக்கப் போகின்­றோமா? அல்­லது வன்­மு­றை­க­ளுக்கும், அடக்கு முறை­க­ளுக்கும் பயந்து நாங்கள் எங்­க­ளு­டைய முடி­வு­களை எடுக்கப் போகின்­றோமா? என்ற கேள்வி இருக்­கின்­றது.

இலங்­கையில் இருப்­பது முஸ்லிம் தனியார் சட்­ட­மாகும். அதனை சிலர் ஷரீஆ சட்­ட­மென விளக்­க­மில்­லாமல் கூறு­கின்­றனர். இந்த முஸ்லிம் சட்­ட­மா­னது 1800 ஆம் ஆண்டு காலப்­ப­கு­தியில் இலங்­கையில் வாழ்ந்த முஸ்­லிம்கள் தங்­க­ளு­டைய விட­யங்­களை தீர்­மா­னித்துக் கொள்­வ­தற்­காக அவர்­க­ளுக்­கி­டையில் பயன்­ப­டுத்­திய வளர்ப்பு முறை­களில் அடிப்­ப­டை­யாக வைத்து தயா­ரிக்­கப்­பட்ட சட்­ட­மாகும். அதிலும் குறை­பா­டுகள் உள்­ளன. திருத்தங்கள் தேவைப்படுகின்றன. அது முழுமைபெற்ற சரியான சட்டம் அல்ல என்பதை புரிந்துகொள்ள வேண்டும்.

இவ்வாறான பிரச்சினைகளை எதிர்கொள்ளும் வகையில் சமூக, அரசியல், சட்ட ரீதியில் எங்களுடைய சமூகம் சார்ந்த ஏனைய செயற்பாடுகள் ஊடாக நாங்கள் உழைக்க வேண்டி இருக்கின்றது என்றார்.

vidivelli